जोनी डेपले एम्बर हर्डबाट पाएको १० लाख डलर दान गरे

काठमाडौं । हलिउड अभिनेता Johnny Depp ले पूर्वपत्नी Amber Heard सँगको चर्चित मानहानि मुद्दापछि प्राप्त गरेको १० लाख अमेरिकी डलर (करिब १३ करोड रुपैयाँ) रकम आफूले नराखी विभिन्न परोपकारी संस्थालाई दान गरेका थिए।

सन् २०२३ मा भएको सम्झौताअनुसार हर्डले डेपलाई १० लाख डलर तिरेकी थिइन्। त्यसबेला डेपको कानुनी टोलीले उक्त रकम उनले व्यक्तिगत रूपमा प्रयोग नगरी परोपकारी कार्यमा खर्च गर्ने जनाएको थियो। पछि डेपले आफ्नो प्रतिबद्धता पूरा गर्दै सम्पूर्ण रकम पाँच संस्थालाई बराबरी रूपमा वितरण गरेका थिए।

दान प्राप्त गर्ने संस्थाहरूले गम्भीर रोगबाट पीडित बालबालिका, आदिवासी समुदायको आवास, वातावरण संरक्षण तथा सामाजिक सेवाका क्षेत्रमा काम गर्दै आएका छन्। प्रत्येक संस्थाले २ लाख डलरका दरले सहयोग प्राप्त गरेको बताइएको छ।

मुद्दाको सुरुदेखि नै डेप पक्षले आर्थिक लाभभन्दा प्रतिष्ठा पुनर्स्थापना आफ्नो मुख्य उद्देश्य रहेको बताउँदै आएको थियो। रकम दान गरेपछि सामाजिक सञ्जालमा उनको कदमको प्रशंसा गरिएको छ।

यो घटनालाई धेरैले हलिउडको विवादास्पद कानुनी संघर्षपछि देखिएको सकारात्मक अन्त्यका रूपमा लिएका छन्।